الـــبــــ(✍🏻) ـــــارت [ 1️⃣
· · ───── ·ʚଓ· ───── ·
وانا عم اشتغل بالمطعم فجأة بيدخلو 3 رجال 2 بدي كارد وواحد مبين عليه السلطة والجاه بيطلبو غرفة المدير
بعد شي ساعة بيجي المدير لعندي وبيطلبني على غرفته وطالما ما بعتلي خبر مع حدا واجى بقدره وجلاله معناها الموضوع خطير
اسمي هبة
عمري 21 سنة
طويلة شوي بيضة عيون زرق و احيانا بيقلبو خضر
نحيفة وجسمي متناسق مع طولي
بدرس جامعة ادارة اعمال وبشتغل بالطبخ بمطعم فخم واحيانا وقت يصير ضغط بالشغل بشتغل كرسون
عايشة مع ستي ام ابي لان اهلي متطلقين
امي متجوزة ببلاد برا وعايشة حياتا
وابي متجوز بس بيسأل عننا بالسر لان بخاف من مرته
وضع ابي المادي مرتاح ابي بيشتغل بالعقارات
بس ستي ما بتقبل تاخد منه مصاري لان مرته بتسمعها حكي كتير
لهيك انا بشتغل وعايشة انا وستي على راتبي اللي باخده من المطعم مع شوية مصاري بيعطينا ياهن ابي بالسرقة
دقيت الباب وفتت لعند المدير
هبة : خير استاذ طلبتني لعندك
المدير حازم: تفضلي هبة
ارتاحي
كيفك وكيفها ستك
هبة: الحمد لله منشكر الله
المدير: ما بعرف كيف بدي بلش معك الموضوع
هبة: اي موضوع
المدير: شفتي الجماعة اللي فاتو قبل شوي
طلبو مني طلب غريب ونحنا لازم ننفذو
هبة: خير شو هالطلب اللي بخلي لونك مخطوف هيك
المدير: مبين عليي مو ؟
بصراحة الموضوع خطير
هبة : عم اسمعك تفضل
المدير : في شبين بيجو عالمطعم هنة ولاد مسؤولين
ما بعرف اذا لمحتيهن شي مرة
هبة : ما عم اتذكر لان بيمرق عليي باليوم كتير
المدير : ركزي معي
بيقعدو عالطاولة اللي مواجه البحرة وما بيقعدو على غيرها
هبة: اي تذكرتن
مراد وعلي شو بهن
المدير: الجماعة اللي اجو اليوم اجو مشانهن
طلبو مني طلب خطير يا هبة ونحنا ما في قدامنا الا ننفذ
هبة : شو هوة الطلب
المدير: بدنا نحط سم بالاكل لواحد منهن
هبة متفاجئة: شووووو
مستحيل هالشي هدا قتل
المدير: وطي صوتك ما حدا لازم يسمعنا
الشي مو بايدنا والسم اللي لح نحطه ما بيقتل فورا على كذا مرة وما حدا لح يعرف
هبة: استاذ مستحيل هالشي لك هي روح روح كيف بدنا نعمل هالشي لك الله لح يحاسبنا اذا مو بالدنيا بالاخرة
المدير: ما في قدامنا حل الجماعة هددوني بعيلتي ولح يحرقولي المطعم لو ما نفذت
هبة:ولو نفذت طلبهن
لح يدفعولي مصاري كتير
هبة: وليش طلبتني لتحكيلي هالحكي الي
المدير: لانك فتحة وذكية وبتلقطيها عالطاير
هبة: اكيد ما عم تلمح لشي
لا تقول ان انا اللي لح اعمل هيك
المدير: ما التلك انك ذكية وبتلقطيها
هبة انا نقيتك لان بعرف وضعك المادي كيف ولح يطلعلك مصاري منيح من ورا هالشغلة
بعيشوكي ملكة بتنسي شغل المطاعم وبتعيشي احلى عيشة
هبة: مستحيل هالشي اعوذ بالله مو ممكن اعمل هيك
المدير: مو على كيفك الشغلة اجباري
وما عد فيني اطلب من حدا تاني غيرك لان السر لو طلع لواحد تالت انفضح
فكري معك يومين
اكيد بتخافي على ستك ما يرتفع سكرها ولا ضغطها وتموت بارضها
هبة: عم تهددني بستي
المدير: بعرفك ذكية بس ما توقعت لهالدرجة
معك لبعد بكرا وبترديلي خبر
يا اما اقرأي الفاتحة على روحك انتي وستك
هبة: بترجاك اعفيني من هالشغلة بترك الشغل والله ما بجيب سيرة لحدا ابدا بس مو انا اعمل هالشي ما بقدر
المدير: الجماعة ما معهن مزح وهنة قالولي نقي شخص يكون موثوق ويوافق على طلبنا والله لو عرفو انو معك خبر وما نفذتي بيقتلونا وما حدا بيدرى فينا
بعد بكرا بدك ترديلي خبر والا بخبر الجماعة عنك وهلأ مع السلامة عندي شغل
هبة: طلعت من عند المدير وانا فايتة ببعضي
حسيت حرارتي الف والدنيا عم تفتل فيني
ما حسيت غير على حدا عم يضربني كفوف خفيفة على وشي لاصحى
هبة: شوفي شو صار وين انا
امير: سلامتك فجأة تعبتي ودختي وجبناكي عالمطبخ ورشيناكي بالمي لحتى صحيتي
خير شو صاير معك
هبة: انا انا بدي قلك شي ضرور..
تذكرت تهديدات المدير قمت سكتت
امير: قولي هبة شو بك
هبة: اه ولا شي تعبانة شوي وراسي عم يوجعني
رايحة عالبيت طلبلي اذن
امير: استني بوصلك انا
هبة: لا يسلمو انا منيحة
فلاش باك..
امير بيشتغل معي بالمطعم
هوة طالب سنة تالتة حقوق وهوة اللي دبرلي شغل المطعم
وبحسه بحبني ومهتم فيني بس انا ما بكنله اي شعور
مراد وعلي ولاد مسؤولين مبين على هيئتهن ولبسهن وعيلتهن معروفة بالبلد
هنن رفقات ويوم اي يوم لأ عنا بالمطعم
مراد الأكرمي
وعلي السادات
كل واحد ابوه اله وزنه بالدولة
الشباب فاتحين شركة وبديروها سوا
مراد شب طويل ابيض عيون سود مع لحية سودة جايبة هيبته
فلاش باك..
رجعت عالبيت وشفت ستي ضميتا وصرت ابكي واشهق
ستي ام فواز: خير يا روحي هبة يا عمري انتي ليش عم تبكي يا روح ستك شوفي يا روحي
هبة: اشتقت لامي بدي امي وينها ليش ما بتسأل عني
ستي: ما مليتي من هالسؤال يا ستي
كل ما بتكوني متضايقة او متخانقة مع حدا بتقليلي امي وامي
احكيلي شو بك الله يرضى عليكي
هبة: انا تعبانة يا ستي تعبانة
ستي: ريت التعب الي وانتي ما يصيبك شي يا نور عيني احكيلي شوفي
هبة: ما في شي بس تخانقت مع مدير المطعم
لان بجوز ما يعطيني راتبي كامل هدا الشهر
ترددت احكيلا لان ستي مريضة قلب وضغطها وسكرها مو منتظمين خفت تروح فيها
ستي: ولا يهمك شو هالشغلة انا مصمدة شوي منصرف منهن ومنعيش عالقد المهم انتي ما تزعلي
هبة: الله لا يحرمني منك
انا فايتة نام شوي
فتت على غرفتي وقعدت فكر وفكر شو اعمل
شو هالشي الكبير اللي بخلي الواحد يقتل كرمال شو
حسيت راسي لح ينفجر
عم احكي بيني وبين حالي
ان السم على مراحل لياخد مفعوله يعني ما حدا لح يعرف شو عملت بقبض هالمصاري وبهج انا وستي لبلاد ما حدا يعرفنا فيها
نفضت راسي بسرعة
اعوذ بالله يا رب تسامحني شو هالتفكير
خلص بكرا لح قله لأ واللي بدو يصير يصير
تاني يوم لبست ورحت عالجامعة
بيسان: هبة شو بك حبيبتي كانك تعبانة
هبة: لا والله بس مبارح ما قدرت نام
بيسان :قومي نشرب قهوة نصحصح قبل ما نفوت عالمحاضرة وهنيك بتحكيلي شو بك
هبة: طيب يلا
( بيسان رفيقتي من ايام المدرسة وكل اسراري عندها وهية كمان هية مخطوبة لشب معنا بالجامعة وعرسها بعد ما تخلص دراسة)
بالكفتيريا قاعدين
بيسان : يلا احكيلي شو بك ليش ما نمتي مبارح في حدا عالخط 😉
هبة: لك خط مين والناس نايمين تركيني بحالي😔
بيسان: مالي تاركتك ليكي كيف حالتك متل الاموات🥶
هبة: عندك للسر مطرح
بيسان : معناها قررتي تحكي
بير ماله قرار
هبة: الموضوع ما بينحكى هون المسا بجي لعندك ومنحكي
بيسان: اتفقنا قومي عالمحاضرة
رحت عالبيت بعد الجامعة وما رحت عالدوام لاني مو طايقة المدير ولا حدا.
ستي: ليش ما بدك تروحي عالشغل
وبتقليلي لح يخصملي قومي روحي
هبة : تعبانة ستي فايتة نام
ستي: الله يهدي بالك يا رب
هبة: فتت عالغرفة وصرت روح واجي وفكر
اللي بعرفه اني مستحيل اعمل هيك شي
وما بقدر نبه الشخص المستهدف من هالشي
يا ترى مين بدهن يسممو مراد ولا علي وليش
يا ربي دخيلك لازم فكر بطريقة
غفيت شوي وفقت مع المغرب
لبست وقلت لستي اني رايحة لعند بيسان
هبة:بدك شي تيتة ما لح طول للعشا وبرجع
ستي: سلامتك ديري بالك منيح
وصلت لعند بيسان وفتحلي اخوها الكبير مهند
مهند :اهلين هبوش كيفك
هبة :الحمد لله وانت
مهند :تمام مشتقلك
فوتي بيسان جوا
ام بيسان: اهلين بالغالية كيفك يا امي
طلعت معها عفوية
انا حسيت اني محتاجة لهالكلمة ركضت وضميتا
الكل متفاجئ
هبة : وعيت على حالي
اسفة خالة بعتذر بس تذكرت ماما
ام بيسان: ولا يهمك حبيبتي انا كمان متل امك فوتي لعند بيسان
ام بيسان طلعت بمهند ورفعت بكتافا ان ابصر شو صاير معها
بيسان: اي هبة احكيلي شغلتي بالي
هبة : الموضوع خطير وما لازم حدا يدرا فيه
اجيت احكي تذكرت تهديد المدير وان اذا شخص تالت دري بالقصة انفضح السر خفت على بيسان كتير وغيرت رأيي اني احكيلا
بيسان: وين شردتي احكي عم اسمعك
هبة: ولا شي ما في شي
بيسان: 🙄🙄
كل هالشي وما في شي
ليكي حالتك كيف كانك شبح لا تكذبي احكي
هبة: ما عرفت اخلص منها
قررت كذب عليها
انا عشقانة وحدا خطير كتير
بيسان : ببرود عشقانة🤔🤔
مين امير؟؟؟؟؟؟
هبة: لا واحد تاني مراد ابن المسؤول اللي بيجي عالمطعم اللي بحكيلك عليه
بيسان: يبعتلك حمى يا هبة ما لقيتي غيره
هبة: رماني الهوا وعلقت شو اعمل
ببسان : وهوة بيعرف
هبة: لا طبعا كيف لح يطلع بشقفة كرسون😕
بيسان: اي تضربي انتي وهالحب انسيه وبلا جنان انتي وين وهوة وين
هبة: معك حق لح حاول شيل الفكرة من راسي
يلا انا بدي روح
ما بدي طول على تيتة
بيسان :ما شربتي شي بس
هبة: مرة تانية
بيسان: استني منوصلك انا ومهند
وصولوني ورجعو
( بيسان بنت طيبة كتير ابوها دكتور واخوها صيدلي وهية واخوها وحيدين مالهن اخوات وبحبو بعض كتير
احيانا بحسدها على عيشتا مع عيلتا وبتمنى لو كان عندي عيلة متلهن
ستي: ما طولتي
هبة: مو التلك للعشا
يلا لح حط عشا ونقعد نتعشى وبفوت بدرس
خلصنا وفتت
وانا عم اتعشى لمعت براسي فكرة بس ما بعرف اذا بتظبط
تاني يوم فقت ورحت عالجامعة ورجعت الضهر تغديت وارتحت ساعة وعالمطعم
مكتب المدير
المدير: تفضل
هبة: مرحبا
المدير: اهلين هبة تعالي
كيفك
فكرتي بالموضوع
هبة: اي فكرت انا موافقة بس ايمتى رح بلش وكيف الخطة ومين الشخص المستهدف
وشو رح يطلعلي من الموضوع
المدير: ممتاز
لح تبلشي من بكرا
واحد لح يجبلنا السم
الشخص هوة مراد وعلى طول بيطلب شوربة عدس
لح تحطيله نقطة بصحنه
وتاني يوم نقطة وتالت يوم نقطة وبس
ولح يمرض على اساسا ويقعد بالفرشة ويموت عالبطيئ لا منشاف ولا مندري
لح تقبضي نص مليون دولار
هبة: فتحت عيوني على اوسعهن شوووو 😳😳😳
موافقة موافقة
المدير : بقلبه عم يحكي يا لطيف بس شمت ريحة المصاري نسيت المبادئ والاخلاق تفي عليكي
😊 تمام يلا على شغلك وانا بجبلك علبة السم بس يبعتوها
تاني يوم اجى مراد وعلي كالعادة وطلبو غداهن
وكالعادة مراد طلب صحن الشوربة
حطيت نقطة السم
ورحت وصل الطلب
قبل ما افتل لامشي ما بلاقي غير واحد صرخ باعلى صوته شعررررة😪😪
التفت لقيته عم يطلع فيني وبالصحن
ركضت لعنده انا اسفة يا بيك يمكن هرت من شعراتي
نادى على مدير المطعم وورجاه الشعرة
ومن كتر ماله مغرور حمل الصحن ودلقه عليي
هبة: شهقت بصوت عالي لان كانت سخنة
الله ياخدك شو مغرور
مراد: شو قلتي عيدي
هبة : انتبهت لحكيي وبلعت ريقي راحت عليي
مراد: شو اسمها هي البنت
المدير :هبة يا بيك
مراد: مفصولة من الشغل الله معك
المدير: بس يا بيك هيك ما بصير
مراد: تعال علمني شو بصير وشو ما بصير
احمد ربك ما ختمتلك مطعمك بالشمع الاحمر
علي: مراد طول بالك بجوز البنت مو منتبهة
حرام تقطع برزقتا
مراد: وانت من ايمتى بتتدخل باللي بعمله
سديتولي نفسي بطلت اكل الله ياخدكن
بكرا جاية اتغدا ما بدي لاقيها هون
انا ماشي علي بدك تمشي ولا تقعد
علي : جاية معك
المدير : الله لا يوفقك خربتي بيتي
الحقيني عالمكتب
ضربني كف خلا ادني تزمر من عزمه
هبة: والله ما كان قصدي اول مرة بتصير معي
المدير: ليكون عملتي هيك قصدا
هبة: لا ابدا ما كان قصدي انت بتعرف اني وافقت لو ما بدي كنت من الاول التلك لأ
المدير: والعمل هلأ شو لازم نعمل اكيد لح يدقو يتطمنو شو صار
يا مصيبتك يا حازم نخرب بيتك
ليكي انا لح افصلك من الشغل بس قدام العالم
بس بتضل بالمطبخ وبتطبخي لنشوف شو لح يصير
هبة : حاضر بس بركي حدا فسد علينا
المدير: لا تخافي لح لاقي حل
هبة: الحمد لله اللي مرقت يا رب تكون معي انا ما بدي اظلم حدا
اتصلو جماعة المافيا بالمدير ليفهمو شو صار وباقل من 10 دقايق كانو طابين علينا طلبوني عالمكتب
المعلم ابو رعد: انتي هبة
هبة : اي نعم يا بيك
وراح ناترني كف تاني طالعلي الدم
المدير : اهدى يا معلم لح نلاقي حل
ابو رعد: كيف لح تلاقو حل والبنت اللي استخدمتا طلعت فاشلة
وفوق هيك انطردت من الشغل وما عد فينا نحكي لحدا تاني
المدير: ولا يهمك بوعدك لاقي حل
انا لح خليها بالمطعم بالمطبخ وهية لح تجهز الطلب بتحط السم وحدا غيرها بياخد الطلب عالطاولة
ابو رعد: هي اخر فرصة اذا ما نفذتوها لح صفيك انت وياها
انا والمدير بلعنا ريقنا
المدير :سمعتي هبة المرة الجاية ما بدي مشاكل
هبة : بصوت تعبان امركن يلا بالاذن
ابو رعد : حلوة هالبنت كتير
حوينتا تشتغل بهيك شغلة
فلاش باك..
ابو رعد كان مسؤول ومسكو عليه تزوير عملات وطيروه من منصبه
وحطوه بالسجن كم سنة وبعدها طلع وحطو ابوه لمراد مكانه
والظاهر مفكر ابوه لمراد اله ايد بالموضوع
هاد اللي قدرت اسمعه بعد ما طلعت من مكتب المدير
لاني وقفت ورا الباب لاسمع شو لح يقولو
فلاش باك...
رجعت عالبيت وانا خدي ورمان من الكفين اللي اكلتن وقت شافتني ستي هسترت وحلفت يمين اذا ما بحكيلا شو صاير لتغضب عليي
وانا عندي الدنيا كلها كوم وستي كوم تاني لان هية ربتني
قررت افتحلا قلبي واحكيلا لان ما حدا لح يخاف عليي قدها
هبة : والله يا ستي القصة هيك هيك
وحكيتلا القصة
وانا اليوم هيك تصرفت لان ما بقدر اقتل نملة لاقتل بني ادم
ستي: برابو عليكي يا روحي انا هيك ربيتك وانتي ما غلطتي والله لح يوقف معك
لازم هاد ابن المسؤول يدرى شو بدهن يعملو فيه
هبة: مستحيل تيتة انا فكرت خبره بس هيك ما منستفاد شي بتروح عليي وعليكي ويمكن يقوصوه وما يسألو
ستي: لو بدهن يقوصو كانو قوصوه وما سألو بس هنة ما بدهن ينكشفو وبدهن تبين القصة موتة طبيعية واكيد في سر ورا هالشغلة
استني لبكرا لنشوف شو لح يصير
هبة : ادعيلي ستي الله يوقف معي
ستي:الله يرضى عليكي ويلهمك الصواب والصح
تاني يوم رحت عالجامعة التقيت مع بيسان دردشنا شوي وبعدين رجعت عالبيت رتحت ساعة متل العادة وبعدها عالمطعم هاد كان روتيني اليومي
الكرسون محمد: هبة المدير طالبك
امير: شو قصتك مع المدير وشو قصة هداك الشب مراد
وليش المدير ما طردك متل ما طلب منه السيد مراد
هبة: يعني زعلان ان ما تقلعت
امير: اعوذ بالله بتعرفي مو هيك القصة ابدا وانا ما بردلك الا الخير
بس بقصد ان السيد مراد معروف عنه قديه مغرور وشايف حاله ومين ابوه ومين عيلته وما بينرفضله طلب
هبة : سكر هالسيرة امير رايحة شوف المدير وراجعة
وانا طالعة لعند المدير لتقيت بشب بيشبه مراد لا مو بيشبه هوة مراد واجت عيني بعينه بس ما عبرني ولا شالني من ارضي
معقول نسي القصة
ولا ما تذكرني بنوب ابصر
فتت لعند المدير
هبة : خير طلبتني
المدير: شلون الشغل ماشي
حكيتي لحدا عن الموضوع
هبة: لا ابدا ولا لحدا
المدير :لح نبدل بالخطة شوي
هبة: كيف
بكرا موعد جية مراد عالمطعم
لح تروحي تعتذري منه وتركعي قدامه وتترجيه
مشان ما يطردك من الشغل
ومنشوف شو بصير
هبة : مستحيل هالشي كل شي الا كرامتي
المدير: والله وقت تقبضي النص مليون ما لح تهتمي لكرامتك
يلا على شغلك ونفذي متل ما التلك
هبة : بقلبا العمى ما اوسخك وما احقرك
خلصت شغل ورجعت عالبيت
قعدت مع ستي شوي وتعشينا ودردشنا باللي صار
وقالتلي اعمل متل ما قال المدير يمكن هيك احسن عالقليلة بعرف شو عم يصير برا
رحت على غرفتي درست شوي ونمت
تاني يوم رحت عالمطعم
اجى مراد وعلي
طلعت لعندن اول ما شافني عصب ونتر الكرسي وقام
تفاجأت بردة فعله غير اللي شفته مبارح معقول معه انفصام شخصية
ركضت لعنده اعتذرت منه وترجيته ووعدته ان اخر مرة تتكرر هالقصة وبعد اعتذارات وترجي وافق ان ابقى
جبناله الطلب بس ما حطينا فيه شي مشان ما ينشك بالامر
اليوم التاني
ستي: ما بعرف شو ضرورة هالشغلة لك بنتي انا ما فيني بعد عن بيتي
هبة : معليه تيتة اللي ما بيحسب ما بيسلم
هنة يومين منقضيهن بالاوتيل لنشوف شو ممكن يصير
وبعدها بوعدك نرجع عالبيت
بعرف اني عم تعبك بس شو بدي ساوي والله بجن اذا بيعملولك شي
تالت يوم اجى وكان لازم نحط السم بالصحن
انا موجودة بالمطبخ وقلبي عم يدق
وكنت ناوية بس حط السم اترك الشغل واطلع وخبره شو عم يصير
الكرسون: تفضل شو طلبك يا بيك
مراد: متل العادة شوربة عدس مع ليمون وخبز مقلي عالوش
علي: يا زلمة انت ما بتمل غير شي مرة
مراد: روتين يومي ما فيني بلا الشوربة بحس اني مدمن عليها
علي: طيب على عيني بس والله حلو التغيير شوف انا مثلا بحب شوربة الخضار بس ممكن كل فترة بغير
مراد : طيب انت شو ناوي تطلب
علي: انا شوربة فطر
مراد : امري لله وانا متله شوربة فطر وكملو الطلب
الكرسون : هي طلب الطاولة رقم 9
هبة مستغربة : 2 طبق شوربة فطر لمين
الكرسون : للسيد مراد والسيد علي
هبة : شو عدا ما بدا مو كل مرة شوربة عدس
الكرسون : وحب يغير اخت مراقه شي
خلصيني بلا ما نتاخر
هبة : اجت على ايديها واجريها
ما لح حط شي وبتحجج ان مشان ما يصير خربطة ويتبادلو الصحون
جهز الطلب تغدو وراحو
امير: هبة المدير طالبك
دق دق
المدير ادخلي هبة
شو صار معك
هبة : ما صار شي
لان غيرو بالطلبية اليوم وطلبو نفس الشوربة وخفت يصير خربطة
المدير ضرب الطاولة بعصبية
الله ياخد هالحظ والعمل هي اخر مهلة هبة لح يصفونا
هبة : انت اشرحلن الموضوع وقلهن شو صار
فجأة رن جواله وحكو معه وعصبو عليه وقالوله لا عد يحط شي ليرجعو يتصلو فيه
تاني يوم عدى على خير ورجعنا انا وستي عالبيت
مرق اسبوع وكان كل شي طبيعي
ليوم اجو فيه جماعة ابو رعد
وطلبو مننا
ابو رعد: بما انكن فشلتو بالسم
لح اعطيكن مخدرات هيروئين بدي ياه يصير مدمن واحرق قلب ابوه عليه وبعدين خبر عنه خلي اسمه ينهز بالبلد
ويا ويلكن هالمرة اذا بتفشلو
انا بعلت ريقي والمدير هز براسه
بعد ما راحو
المدير : يلا بضل احسن من السم
هبة : كيف ما هوة اخطر من السم
لح يوصله للموت اصلا
المدير :يصطفلو مالنا علاقة
هبة : الله يصطفل فيك وفيهن
رجعت عالبيت وحكيت لستي
ستي : والله يا بنتي الموضوع زاد خطورة
لازم نلاقي حل باسرع وقت حرام هالشباب
هبة : تيتة بتسدقي اذا بقلك انا مو زعلانة عليه
لان مو نسيانة كيف بهدلني قدام العالم ودلق الصحن عليي
لك هوة حدا كتير مغرور وشايف حاله
لك حتى وقت ترجيته مشان ما اتقلع
على شوي لح بوس ايده ليرضى
ستي: له يا هبة انت قلبك ابيض وما بصير تحكي هيك
صحيح نحنا حالنا ميسور بس بعمرنا ما حقدنا او كرهنا حدا
ما بدي تعاملي الناس بمتل معاملتن كوني احسن منهن
هلأ لازم نفكر بطريقة ننقذ الشب منها
بدون ما نخسر حدا
هبة: زورته هديك الزورة ان خلص فهمنا 😒😒
مراد :كملي كملي
هبة: بطلت
مراد:كملي عم قلك
وعلى الصعيد العاطفي قريبا سوف تحقق حلمك وتلتقي بالفتاة التي رسمتها في مخيلتك
والصعيد العائلي انت انسان طيب ومحب للعائلة ومتعاون معها وهذا سر محبة عائلتك لك
مراد: العاطفي ما زبطت معهن لاني ما بفكر ابدا بالارتباط والعائلي نوعا ما انا الابن الكبير وفعلا بحب عيلتي وبساعدها وهنة بحبوني كتير
تفضلي وصلنا عالبيت
تفاجأ مراد بالبيت اللي ساكنينه ان ماله على قد الحال متل ما توقع
بالعكس بيت مرتب وكبير وبمنطقة محترمة
هبة: شكرا عذبتك معي
اجيت لانزل بس ما قدرت
مراد: تفضلي
هبة: ....
اااااه صح ما فيكي تدعسي على رجلك والحل🤔
يلا انا بساعدك استندي عليي
مسكلي ايدي وبايده التانية حطها على خصري
بصراحة كتير خجلت وصرت ارجف
بيتنا كان اله 4 درجات
طلعنا وانا على نفس الوضعية ودقات قلبي صارت الف
رن الجرس وفتحت ستي
ستي: هبة بسم الله عليكي شو بك بنتي شو صاير معك
مراد: اتطمني خالة عملت حادث بسيط وانا اسعفتها
والحمد لله امورها بخير
تفضلو تفضلو
ساعدوني لحتى قعدت عالكنبة
اسمي مراد
ستي :بدون قصد انت مراد؟؟؟
مراد :😳 انتي بتعرفيني خالة
هبة: احم ااحم
ستي: صحة يا روحي سلامتك
يسلم ايديك يا ابني
تفضل لساويلك قهوة
مراد: بعتذر خالة والله مستعجل كتير وعندي شغل
هبة عندها مراجعة بعد اسبوعين انا بجي ان شاء الله وباخدها وهدا كرتي
ستي: لا يا ابني يسلم ايديك ما في داعي
نحنا منتولى الموضوع
هبة: خلص يسلمو ما قصرت
مراد: ما عملت شي عليكي العافية ان شاء الله
يلا بالاذن
ستي: الله معك يا ابني
وطلعت وراه
ستي: احكيلي شو صار معك بالتفصيل
هبة: دقيقة ستي خليني رد عالمدير وعلى
وعلى بيسان هلكوني اتصالات
المدير: الو هبة ليش ما تردي وينك من الصبح عم دقلك
هبة: اسفة عملت حادث وانا رايحة عالجامعة وايدي نكسرت
ورجلي واجعتني فيها رضة خفيفة بدها يومين لتصح
المدير: سلامتك
طيب شو مشان الخطة لازم ننفذ باسرع وقت
هبة: طيب بس لصير ادعس على رجلي بجي عالمحل ومنتفق
المدير: خلص ما في داعي انا لح اتصرف
هبة: كيف يعني
المدير: لح خبر الجماعة باللي صار وقلهن ان ما عم تظبط يلاقو حل تاني او يحلو عني ما عد بدي كل هالشغلة
هبة: معقوول
المدير: هاد احسن حل
يلا بدك شي شدي حيلك مشان ترجعي عالشغل
هبة: سلامتك
ستي: شو بده هاد المجرم
وليش هيك تبدل حالك
هبة: مشان الخطة اللي اتفقنا عليها
وقت التله بس اجي عالشغل منظبطها
قال بلاها لح يخبرهن ان ما بده كل هالشغلة
ستي:طيب شو الغريب
هبة: كيف هيك تراجع عن حكيه والمصاري وان خايف من الجماعة شو
بركي رجعله عقل الرحمن ما بتعرفي
هبة: في ان بالموضوع
يا اما لغى الفكرة مظبوط وما بعتقد هالشي ابدا
يا اما وكل حدا تاني بالقصة وحكى هيك قدامي
ستي: الله يجيب العواقب سليمة
يلا لح جبلك اكل مشان تاكلي و تنامي وترتاحي اليوم تعبتي كتير
هبة: يسلم ايديكي يا حنونة
دقيت لبيسان
بيسان: كيفك ولي دبة منيح رديتي
هبة: لك اسكتي فوق ما تجي تتطمني عليي
بيسان: خير شو به صوتك
هبة: عملت حادث صغير
بيسان: يا روحي عن جد؟؟
سلامتك
كيف وايمتى وحكيت لبيسان شو صار معي واجت المسا هية وامها شقو عليي
تاني يوم حاولت ادعس على رجلي
ومشيت عليها شوي
عم يرن جوالي
لقيت امير
هبة: اهلين امير كيفك
امير: الحمد لله بخير
الحمد لله على سلامتك
من شوي دريت
هبة: مين خبرك المدير
امير: لا اجى السيد مراد وحكى للمدير ان كنتي نواحي شركتهن وان دعسك بسيارته
هبة: شو عم تقول عن جد عم تحكي
امير: اي والله بالصدفة سمعتن وانا عم اعطيه الغدا
هبة : طيب بسيطة وشو حكى المدير
امير: ما حكى شي عادي
ساله السيد مراد عنك كم سؤال وبس
هبة متوترة
طيب امير شكرا على اتصالك انا بدي ارتاح شوي
امير: ولا يهمك معافاية
هبة : يعافي قلبك
سكرت وصرت روح واجي بالصالة
ليش ليقول مراد اني كنت نواحيهن يا ربي شو هالورطة
ستي: خير بنتي شو بك
هبة: تيتة مراد راح عالمطعم وحكاله للمدير ان كنت هنيك وانو دعسني بالسيارة
ستي: يييي شو هالورطة هي وشو بدك تعملي
هبة: ما بعرف مقطوع قلبي ليشكو فيي
بتعرفي : لازم روح عالمطعم وقابل المدير
ستي: طيب ورجلك فيكي تدعسي عليها
هبة: بدق لبيسان تروح معي تساعدني
الو بيسان بسرعة البرق بتنزرعي عندي
لازم روح عالمطعم
بيسان: مجنونة انتي ورجلك
هبة: ضروري بيسان الله يوفقك لازم احكي مع المدير
بيسان : طيب ليكي عمار عندي لح نجي ناخدك نحنا منقعد منشرب قهوة وانتي بتروحي لعند المدير
جهزي حالك
وصلو لعندي خلال 10 دقايق
ستي: هبة ديري بالك على حالك
هبة: ولا يهمك ستي لا تخافي عليي
وصلنا عالمطعم بيسان وخطيبا عمار قعدو طلبو قهوة
وانا رحت لعند المدير
دقيت الباب وفتت
لقيت ابو رعد عنده مع البدي كارد
بلعت ريقي
مرحبا معلم
وما لقيت الا كف ع نص خلقتي
المدير: انتي شو عملتي اااه
شو كنتي رايحة تعملي نواحي الشركة
ما عملت شي والله ما عملت شي
ابو رعد: لكن شو اخدك لهنيك رحتي لحتى تخبريه مو
كنت بدي حط رسالة من مجهول ونبهو بدون ما يعرف
ابو رعد: مجنونة اشحطوها
المدير: طول بالك لوين اخدينا
ابو رعد : ع جهنم اللي تاخدك وتاخدها
اوبة كلاب
قلبي عم يرجف وخايفة كتير
طلعت معهن واول ما لمحت بيسان رفعتلا بحواجبي ان لأ
كنت عرفانة لح تجي لعندي
عمار: لك وين اخدينا ومين هدون
بيسان : ما بعرف انا كتير خايفة عليها
عمار :قومي نلحقهن بسرعة
غمضولي عيوني وحطوني بسيارة ومشيو
عند مراد:
يالله هاالبنت متل الملائكة
اول مرة بتاخد بجمال حدا
فيها شي بيسحر
بس فيها شي غامض
يعني اجت لنواحي الشركة
وبعدين عم تشتغل بمطعم رغم انه وضعهن مرتاح
وستها حسيتا بتعرفني طيب من وين لوين
نفضت راسي ...
اووف ياه وانا شو بدي فيها ليش كتير متاثر فيها
بس عن جد حلوة كتير
ام مراد: وين سارح ابني الحلو
مراد: اهلين ماما
ولا شي بهالدنيا
ام مراد: اللي اخد عقلك يتهنى
مراد: طمني ما حدا اخده
ام مراد: لايمتى لك ابني اخواتك 2 اصغر منك وتجوزو
صار عمرك 30 سنة حلك بقا
مراد: يالله يا امي ما حلك تفهمي عليي انا ما بطيق جنس حوا
ام مراد :طيب وانا من جنس حوا
مراد: انتي امي وتاج راسي وبترجاكي لا بقا تفتحيلي هالسيرة انا هيك مرتاح
عاطف بيك ابوه لمراد
لك ما تعبتي من هالقصة لا انتي مليتي ولا هوة لين راسه
مراد: اهلين بابا من ايمتى انت هون
ابو مراد: من وقت قلت لامك ان ما بتطيق جنس حوا
مع اني بخالفك الرأي
لان امك وستك قبلا ما عاد يجي متلهن ابدا
وهي اخواتك البنات كلهن مربايين ودارسين وفتحو بيوت وعم يربو ولادهن
يعني لو ما في حوا بهالكون كان ادم خرب من زماااان
مراد: عم حك راسي
مممممم الله يخليلنا ياهن
ابو مراد: فالج لا تعالج ما في امل
عند هبة
عمار: مين هدون الي خطفوها شو الها شغل معهن
مبين شغل عصابات ومافيا
بيسان: والله ما بعرف انا لح جن
خليك وراهن امانة لا تضيعهن
هي تيتة ام فواز عم تتصل شو قلها اكيد عم تدق لهبة
عمار: ردي عليها وقليلا ان قاعدين بالمطعم وهبة راحت عالحمام
بيسان :الو اهلين تيتة
لا بعدنا بالمطعم وهبة بالحمام بس تجي بخليها تحكي معك
لا مالح نطول ان شاء الله
مع السلامة
اوووف انا خايفة كتير
عمار هاد المكان كانه متطرف وما في كتير سيارات
عمار: اكيد في الهن شي مخزن او بيت هون
شو رأيك تتصلي بابوكي وتاخدي رأيه
بيسان : طيب
الو كيفك بابا
وحكت بيسان لابوها كل شي واخد العنوان ولحقهن
وصلنا عالمكان وانا مغمضينلي عيوني
نزلوني وربطوني على كرسي
تركوني يا كلاب يا حقراء لك تركوني
ابو رعد: هسسس اخرسي ولا كلمة
حاج تعيطي ما حدا لح يسمعك
المكان مهجور
هبة: طيب شو بدك مني
ابو رعد: لازم نتاكد انك ما خبرتي حدا
هبة: والله ما خبرت حدا
كنت بدي خبرهن بس وانا عم اقطع الشارع دعسني السيد مراد
ابو رعد: وين الرسالة
هبة: عندي بالبيت
والله ما حدا عرف فيها
بترجاك ستي لحالا بالبيت ما فيني اتركها
ابو رعد: كو مشكلة هلأ منجيبا لعندك
هبة:لااااا بترجاك ستي معها ضغط وسكر والله مو لقيانة
بوعدك ما ساوي شي ولح اعمل كل شي بتطلبوه مني
مشان الله تركوني
ابو رعد: سكرلا تمها
لك اتركني يا حيوان الله ياخدك
سكرلي تمي وضليت على هالحالة قريب الساعتين
بيسان وابوها وعمار وصلو عالمكان اللي اخدوني عليه
بس خافو يجو يخلصوني يقوم يقوصو عليي
لان في 2 عندالباب غير اللي مع ابو رعد وكلهن مسلحين
وخافو يخبرو الشرطة
ابوها لبيسان: لازم نعرف شو الها علاقة فيهن وليش خطفوها
خلونا نروح لعند ستها ونخبرها والا ما تكون بتعرف شي
بتكون هلأ قاعدة على نار
دق دق
ستي: بيسان وينها هبة والله انشغل بالي عليها
بيسان: تيتة معي بابا وخطيبي وجايين نحكي معك بشغلة
ستي: هبة صرلا شي
وينا هبة
ابو بيسان:السلام عليكم
كيفك حجة
عمار: السلام عليكم خالتي
تيتة: تفضلو لجوا
ابو بيسان: هدي حالك حجة
هبة بخير ان شاء الله
ستي : لح يوقف قلبي قلولي شو بها
ابو بيسان: هبة في حدا خاطفها بس طمني عمار لحقهن وعرف وين مكانا
ستي عم تبكي
شووو عم تقول لك شو عم تحكي
كيف وشلون
ابو بيسان: اهدي يا حجة اهدي
انتي بتعرفي شي صاير شي شغلة مع هبة حكتلك شي
اول شي ستي ترددت تحكي بعدين حكت
شو صاير
بيسان: وانا عم قول ليش هالبنت على طول شاردة ومهمومة ووقت سألتا قالتلي حابةمراد ابن المسؤول
اتاري القصة فيها قتل وسم ومدري شو
طيب ليش ما حكتلي كنت ساعدتا ووقفت معها
ستي:كانت رايحة تقلك بس خافت عليكي يأذوكي
وهلأ ابو مهند شو لازم نعمل
ابو بيسان : هلأ هنة اخدوها ليتأكدو ان ما حدا دري بالرسالة لازم نستنى لبكرا لنشوف شو لح يتصرفو
ستي: بركي عملولا شي
ابو بيسان: مو من مصلحتهن ياذوها
لان في رسالة بالنص والحادث اللي صار معها اكبر دليل ان الرسالة صح
بتعرفي لازم الرسالة ناخدها نخليها عنا
مشان اذا ما طالعوها نهددهن فيها
عند هبة
وبعدين لايمتى بدي ضل هون
ابو رعد : ليومين بكرا مراد ما بروح عالمطعم راحت معك لبعد بكرا
منه منتأكد ان ما خبرتي حدا ومنه منضمن ان ما حدا بيعرف بالموضوع غيرنا
لازم دق لستي طمنها عني ما بصير بركي خبرت الشرطة اني مختفية
الو رعد: صفن شوي مظبوط عم تفكري صح هههههه
عطوها جوالا
حكيت مع ستي وطمنتا عني والتلا اني نايمة عند بيسان
كنت عرفانة ان بيسان لح تتصرف بوعي
واحد من رجاله قله
لازم نجيب الرسالة باي طريقة منخاف توقع بايد حدا
ابو رعد: مظبوط بس كيف
شوف نادين تروح لعند ستها عاساس رفيقتا من الجامعة وبدها تاخدلا الشنتة
حاضر معلم
راحت البنت اللي اسمها نادين وستي عطتا الشنتة
ابو رعد: وين الرسالة يا كذابة لك وينها
ما في شي
هبة : والله ما بعرف انا تركتا بالشنتة
ابو رعد: والله لادفنك بارضك اذا بتكون وقعت بايد حدا
جيبولي ستها لهون
هبة: لاااا بترجاك لحظة شوي لحظة
ابو رعد: شو بدك
بجوز ستي فضت الشنتة وغسلتا ونست ترجع الرسالة
منتصل ومنسالها
طيب انقبري اتصلي
هبة: الو مرحبا تيتة
ستي: اهلين تيتة كيفك وكيفا رفيقتك
هبة: الحمد لله بخير
تيتة انتي غسلتيلي الشنتة شي اللي اجت رفيقتي اخدتا من عندك
ستي فهمت عليي
اي يا بنتي وكان فيها ظرف مختوم كانه رسالة قمتها وحطيتها بدرجك قلت بس تجي بخبرك ووقتا اجيتي عاملة الحادث ونسينا
ماشي ستي بدك شي
ستي : لا تتاخري بالرجعة عالبيت الله يرضى عليكي
هبة: ولا يهمك ان شاء الله مع السلامة
شفت الرسالة بالحفظ والصون
ومرق تاني نهار ومراد راح عالمطعم وكأن شيئا لم يكن
هون تركوني روح وهددوني اذا بفتح تمي لحتى يدفنوني مع ستي
وصلت عالبيت وفتحت الباب
لاقتلي ستي
تقبريني كيفك فيكي شي ساوولك شي
تفاجأت بأبي عنا
اهلين بابا كيفك
ابي: اهلين هبة خانم
ما شاء الله بدي اقعد عند ستي ودايرة على حل شعرك
يومين وانتي نايمة عند رفيقتك وتاركة ستك لحالها
بركي صرلا شي بالليل شو ما بتفهمي انتي
ستي: هييي حاج تطول وتقصر
انا اللي سمحتلا كان عندها فحص ونامت عند رفيقتا عم يدرسو سوا
ابي: بس يا امي هيك ما بصير الناس شو بدها تحكي ان تارك بنتي فلتانة على كيفها
ستي: انو ناس يا بعدي مرتك
روح لعندها وسكرلا تمها
هبة اشرف منها ومن اللي خلفوها
ابي: على كل انا جاية اتطمن عنكن وشوف اذا ناقصكن شي
ستي: لا سلامتك ما بدنا شي
ابي : يلا عن اذنكن تاخرت
ستي: اي روح روح اوعك ها بركي قفلت عليك الباب وتركتك برا
رجال اخر زمن
ابي: الله يسامحك يا امي
خاطركن
هبة: ليش هيك حكيتي معه طلع زعلان
ستي: لك حكيت معه من حرقة قلبي عليه
شايفته متل الطابة بايدها تعا تعا روح روح
لك لايمتى انتي بنته ما بيسأل عليكي الا كل حين ومين
واذا بدو يصرف علينا من وراها
واذا عرفت بتجي بتدج حكي وبتسمعنا مية كلمة
لك والله مقهورة عليه
الله يسامح امك بس هية السبب
كانو عايشين ومبسوطين لوقت ما اجتهن سفرة كندا ابوكي ما رضي يتركني
وامك بدها تسافر حتى تطلقو
هبة: هلأ لا تقلبيلنا ياها هم والله اللي فيني مكفيني
ستي: تقبري قلبي والله معك حق
يبعتلي حمى على حظك المعتر
لا من ابوكي وامك رتحتي
ولا بشغلك مرتاحة
هبة: هلأ قليلي شلون عرفتو اني نخطفت ووين الرسالة
حكتلي ستي كل شي صار
تاني يوم رحت لعند بيسان واخدت الرسالة منها
فكرت احرقها بعدين تراجعت
رجعت على جامعتي ودوامي بالمطعم
بس ايدي ما كانت تساعدني
مر اسبوع لاحظت ان مراد عم يجي كل يوم
مو متل قبل يوم اي يوم لأ
والمدير ما عد جبلي سيرة السم والمخدرات
قلت بجوز غير رأيه
شفت مراد وكان معصب كتير
ساعة لتجيبو صحن شوربة
كل يوم هيك بدي استنى
الكرسون: لسى من 10 دقايق طلبتو لبين
ما جهزنا الطلبية
خبط الطاولة بايده وبلش ياكل
رحت سلمت عليه
مرحبا سيد مراد
مراد: اهلين هبة كيفك
كيف صرتي
هبة : الحمد لله احسن شايفتك متوتر
فيك شي
مراد :لا بس كل يوم بيتاخرو بالطلبية
هبة :ولا يهمك انا بقلهن يستعجلو
لا تنسي بقيان اسبوع عالمراجعة لح مر لعنكن وباخدك من هنيك
هبة: يسلمو ايديك عن اذنك
يالله ليش كل ما بشوفه قلبي بدق بسرعة
من وقت طرقني بالسيارة
ولمحته قبل ما غمض عيوني
ما عم انسى هديك النظرة
مر الاسبوع التاني وكترت جيات مراد لعنا
عالمطعم وبيجي معصب وبيطلع رايق
ومرة بيحكي معي بلطافة ومرة بعصب وبنرفز
وكنت قول يمكن مضغوط من الشغل
بس اللي لاحظته ان علي ما عم يجي معه
قمت سألته عليه
هبة :سيد مراد وين السيد علي ما عد اجى معك
مراد: عم يحكي بتقل وصوت خشن
علي يمكن... وينه علي
اي صح مسافر
هبة: مستغربة من طريقة حكيه
ايوة الله ييسرله اذا بدك شي حاكيني
مراد: هبة بكرا عندك موعد دكتور مو
هبة: اي صح
مراد: طيب لح..
اجي ..
اخدك متل ما اتفقنا
هبة: شو به عم يحكي هيك متل السكران
طيب شكرا
تاني يوم استنيت كتير ودقيتله ما رد
قمت رحت انا وبيسان
طمني الدكتور وقلي ان اموري بخير وعطاني موعد تاني بعد اسبوع مشان فك الجبسين
وانا طالعة التقيت بمراد برا
هبة:سيد مراد😍
ماهر: ههههه لا غلطانة انا ماهر اخوه التوأم للسيد مراد
(ماهر هوة شق التوم لمراد بيشبهو بكل شي نفس الشكل نفس العيون نفس تسريحة الشعر ودكتور جراحة وهوة اللي شفته بالمطعم بعد ما قلعني مراد ووقتا ما شالني من ارضي واستغربت)
هبة :اهلين سيد ماهر انا اسفة ما بعرف ان السيد مراد عنده اخ توأم
ماهر: اهلين فيكي
ولا يهمك وهي عرفتي
بس من وين بتعرفيه لمراد
هبة: انا بشتغل بمطعم اللي بيجي بيتغدى فيه ومن فترة دعسني بسيارته واسعفني لهون
ماهر: ااااه انتي هبة هلأ عرفتك حكالي مراد عليكي
هبة خجلانة:
عن جد شو حكى
مراد: ولا شي وقتا جابك عالمشفى وحكى معي ان هوة عنا بالمشفى بس كنتي لسى نايمة
ما شفتيني
طيب ماشي عن اذنك عندي مرضى
ومعافاية ان شاء الله
هبة:اذنك معك تسلم يا رب
بيسان:يالله شووو حلو لك احلى من خطيبي عمااار😍😍
هبة: يبعتلك الهنا ما بتبطلي ولدنة
بيسان: نيالك اذا مراد نفس الشبه
هبة :😒😒
نفس الشبه بس ليش نيالي
اذا حابة تركي عمار ومنطبق مراد وماهر واحد الي وواحد الك هيك هيك نحنا متل الاخوات
بيسان: تضربي انا ما بدله بكنوز الدنيا لعمورتي
هبة: لكن امشي خلصيني
كل الطريق وانا عم فكر ليش ما اجى هوة وعدني ان يجي وليش ما رد عليي
وصلت عالبيت وتغديت انا وستي ورحت على غرفتي لارتاح
رن جوالي
هبة: الو
مراد: كيفك
هبة: الحمد لله كيفك انت
مراد: مشتقلك
طلعت معه عفوية او قاصدها ما بعرف
انا اسف ما اجيت اخدتك عالمشفى بصراحة فقت راسي واجعني واموري مخربطة
هبة: ولا يهمك عادي
التقيت باخوك ماهر وفكرتك انت😅
مراد: عن جد الكل بخربطو فيني
هبة: اي لأن انتو توأم حقيقي الله يخليكن لبعض
مراد: شو قلك الدكتور
هبة: قلي ان وضع ايدي منيح والاسبوع الجاية فيني فك الجبسين
مراد: تمام معافاية بدك شي
هبة: لا سلامتك وشكرا على اتصالك
...عند بيت لمراد
مراد: مرحبا يا حب
ماهر: اهلين روح
كيفك
لك اليوم اجت لعنا هبة
اما شو هالهبة تمنيت كون انا اللي داعسا
مراد:😒😒
شو هالحكي ماهر عيب عليك
انا بدي احكي معك بموضوع بما انك دكتور
ماهر: قلي شوفي شغلت بالي
مراد: صرلي كم يوم راسي واجعني وبفيق معدتي عم تقلب
وبحس حالي خرمان على شي بس ما بعرف شو هوة
عم روح عالمطعم وعم اطلب شوربة كل يوم
لك حسيتا لح تطلع من راسي ومع هيك عم ضل اشتهيها وبحس اني لح جن اذا ما اكلتا
ماهر: ايوة شو هالتخبيص ليكون هبة عم تحطلك فيها شي هههههه
مراد: تضرب عن جد بلا مزحك
قلي شو اعمل وجع راس مو تاركني ابدا وعم عصب كتير
ماهر: طيب بعد ما تاكل الشوربة كيف عم تحس حالك
مراد: بخف وجع راسي وبرجع طبيعي
ماهر: انت عم تخوفني مراد
لازم اعملك تحاليل ليكون معك فقر دم
مراد: ليش فقر الدم بيعمل هيك شي
ماهر: احيانا مو دائما بتحس نفسك بتطلب شغلات معينة
بس اللي محيرني انك مصر على نوع شوربة واحد
عن جد ليكون هبة عم تحطلك شي لحتى تتقرب منها او تحبها
مراد: شي متل شو
ماهر: سحر مثلا
مراد: انت اكيد خرفت على اساس دارس كيف بتامن بهيك شغلات
ماهر: السحر موجود يا مراد لازم نامن بوجوده وان في كتير ناس بتحب الأذى
انا قلت بجوز سحر
وبجوز فعلا تكون الشوربة طيبة وانت عم تتعلق فيها
قلك شي انا بكرا لح روح بدالك وبدي اتأكد بنفسي
مراد: يعني روح انا وياك
ماهر: لا ابدا لحالي ما بدي حدا يعرف اني ماهر
بدي ياهن يفكرو اني مراد
تاني يوم فقت رحت عالجامعة وحاكاني مراد
وطلب ان نلتقي
كان عندي وقت فراغ
اجى لعندي عالجامعة وقعدنا بالكفتيريا
مراد: ما عندك رفقات شباب
هبة: عندي بس زمالة مو اكتر
يعني لا بحكي معهن ولا بيحكو معي الا بالدروس والمحاضرات
مراد: انتي بنت حلوة ورايقة
هبة: عفواا🤨
مراد: عن جد عم احكي عم فكر فيكي كتير
عم احكي بقلبي :
و حتى انا بفكر فيك
هبة: انت فاجأتني ما توقعتا منك
مو عاساس ما بتحب الارتباط
مراد: بس فيكي شي جذاب
شخصيتك حلوة ومرحة وعيونك فيهن سحر غريب
خلينا نكون اصدقاء مبدئياً
ومنتعرف على بعض اكتر
هبة: انا وين وانت وين انا بشتغل بمطعم وانت ابن مسؤول مهم
مراد: بس انتي بنت عالم وناس واضح من البيت اللي ساكنين فيه
صحيح ما بعرف شو ظروفك اللي خلتك تشتغلي بس انا عن جد معجب بشخصيتك
هبة :خجلانة ومتوترة
طيب بفكر بالموضوع بس ما بوعدك
رجعت عالبيت وطايرة من الفرح
بحياتي ما حكيت مع شب ولا انشديت لحدا
حتى شباب الجامعة بحس ببرود ناحيتن
بس مراد كان غير الكل
تغديت مع ستي وحكيتلا اللي صار
وفرحتلي كتير
رحت عالمطعم واجى ماهر عاساس ان مراد
وطلب شوربة متل العادة
قررت اخدله ياها بنفسي
الكرسون: بس المدير طلب اني انا الي وصل الطلب
وبعدين ليكي ايدك كيف لح تجري الطاولة
هبة :انا بدبر راسي ما عليك
الكرسون : يلعن هالحظ كيف بدي حط المخدر
اخدت عرباية الاكل ومشيت فيها
كيفك سيد مراد
ماهر:اهلين انسة هبة
هبة: 🙄🙄 انسة هبة شو به هاد
يمكن لان بالمطعم(بقلبي عم احكي)
اذا بدك شي تاني ناديلي
مراد: ماشي شكرا الك
رحت وانا مستغربة ردة فعله توقعته يكون ملهوف او يلمحلي بشي
غريب شو به
تغدى وراح وما حكى ابدا معي
وانا انشغلت بالمطبخ ما كتير دققت
.. عند مراد
مراد: الو كيفك ماهر
طمني شو صار
ماهر: ياخي انت وهالشوربة لك مو طيبة والله شوربة فريدة اطيب منها(فريدة طباخة البيت)
مراد: هلأ شو صار معك خلصني انا راسي واجعني
ماهر:اخدت عينة ولح حللا عنها ونشوف النتيجة بكرا
مراد: راسه وجعه كتير وما قدر يتحمل واخد مسكن وما هدي
وفي شي عم يغلي جواته وبدو بس ياكل شوربة
وفكر يروح عالمطعم بس بجوز ينكشف
عملتله امه كاسة بابونج هدي شوي وارتاح ونام
تاني يوم راح عالشركة وبعدها عالمطعم وشاف هبة
مراد: كيفك هبة
هبة: مبارح انسة واليوم هبة حاف شو قصتك
مراد بقلبه:
يخربيتك يا ماهر فضحتنا
ولا شي بس عم اختبر ردة فعلك
هبة: ايوة وشو بين معك
مراد: بقلك بس بعد ما اكل لاني خرمان عالشوربة
هبة: رنت الكلمة بادنها وصفنت عندها
اجى الكرسون وجايب الطاولة
عطاه الاكل وراح
هبة: لحظة شوي لا تاكل
هات الصحن
مراد: شو بدك فيه تركي من ايدك
هبة: لح جبلك غيره
مراد: لا ما عد اقدر استنى مستحيل
عم قلك خرمان
حملت الصحن وكبيته عالارض
لح جبلك غيره شو بك
مراد: لك انتي ما بتفهمي مجنونة شي
يخربيتك على هالعملة
هبة: مراد الي هالحكي
اجى المدير على صواتنا
خير شو بك
هبة انتي شو عم تعملي هون
مراد: اسمع لقلك اخر مرة بشوف هالبنت هون عم تفهم وهلأ جيبولي صحن شوربة بسرعة
هبة: تفاجأت بردة فعله ان شو صرله تركته ورحت عالمطبخ عم ابكي
المدير: اجى عالمطبخ طلب من الكرسون يعطيه صحن شوربة تاني ونادالي عالمكتب
شو اللي عملتيه مجنونة شي
هبة: انتو عم تحطوله بالاكل مخدر مو
المدير: اااه اييي لا ابدا ما عم نحط شي مو التلك ان لغيت هالقصة
هبة بشك:
بهالسهولة لغيتا وجماعة ابو رعد كيف تخلصت منهن
المدير: قلك سر ما تقولي لحدا
ابن اختي مساعد اول حكيتله عنن وانه خطفوكي ودبرلن تهمة وضبهن بالسجن
هبة:عن جد عم تحكي يعني ما لح تأذوه
المدير : لا ابدا انا عندي ولاد وبخاف عليهن كمان
اقتنعت بحكيه بس مو كتير
طيب شو اعمل هلأ اترك الشغل
المدير: ما بعرف انا خايف هاد مراد يعمللنا قصة وبجوز يضرني اذا خليتك
هبة: خلص مفهوم لح اترك الشغل
المدير: لح اعطيكي راتبك ومعه تعويض والله يوفقك بشغل تاني
هبة: تسلم عن اذنك
وانا طالعة لمحت مراد نادالي بس تجاهلته
اجى لعندي ومسكني من ايدي
مراد: هبة شو بك عم احكي معك
هبة: اترك ايدي لو سمحت نحنا بالمطعم
مراد: انا اسف عاللي صار قبل شوي انتي عصبتيني
هبة: وانت بهدلتني قدام العالم
وتقلعت من الشغل بسببك
صرت ابكي
خلص تركني وحل عني بكفي انت انسان مزاجي يوم بتحبني يوم بتبهدلني يوم بتحكي معي عادي يوم برسمية ما عم افهم شو بدك مني
مراد: انا بحبك هبة والله بحبك يوم عن يوم عم حبك واتعلق فيكي
هبة: اللي بحب ما بيتصرف هيك
مراد: انا اسف والله اسف
ويا ستي لح اعتذر قدام كل العالم
مسكني من ايدي وجرني لبرا
يا عالم يا ناس هي البنت انا بحبها وغلطت بحقها وهلأ عم اعتذر منها قدامكن جميع
انا اسف حبيبتي قبلتي اعتذاري
هبة: بصراحة خجلت من تصرفه وما حبيت خجله قدام العالم
هبة:طيب ولا يهمك حصل خير
مراد: انا لح احكي مع المدير
ومر النهار بسلام
نتيجة التحليل طلعت سليمة لان الصحن ما كان فيه شي هيك خبره ماهر لمراد
رجعت عالبيت بعد يوم كان شاق ومتعب
بصراحة خايفة على مراد وضعه حاسسته مو طبيعي بس ما في بايدي حل
حكيت لستي ولبيسان وقالولي ان مزودتها وان لا نكد على مراد وعلى حالي وعيش احلى ايامي
وفعلا هاد اللي صار تقربنا انا ومراد من بعض وكترت زياراته عالمطعم وكنت فكر ان مشاني عم يجي
واوقات بحسه هادي ورايق واوقات بعصب وبزعلني
وكل ما نلتقى يجبلي شي ورد وشي هدايا
واجى عيد ميلادي
عملي حفلة بالمطعم بدون ما اعرف بالاتفاق مع بيسان والمدير
ام مراد: لك يسلملي ابني اللي اقتنع اخيرا ولقى حب حياته
يالله شو فرحانة مالي مسدقة ان لح نخطبلك
فلاش باك...
مراد:بتحبيني
هبة:كل مرة بتشوفني بتسألني نفس السؤال
مراد: بحب اسمعها منك على طول
هبة: اي بحبك وبعشقك
مراد: غنيلي
هبة:شوو لا بخجل
مراد: لو سمحتي والله بحب صوتك
غني احسن ما صرخ بالجامعة ولم عليكي الدنيا
هبة: لا خلص بغني بس بصوت نايص
مراد: غني لشوف
هبة: روح قلبي انا وعدتك وصدقني هكون وياك وعليك ابيع روحي مانا روحي يا عمري فداك
مراد:خلص وقفي
هبة: ما عجبك صوتي
مراد: مبلا بس غيران من تامر حسني
لان كل مرة يا بتغنيلي اله يا اذا بدك تهديني غنية بكونو من اغانيه
هبة: ههههههه لك مو معقول
هي الغنية بحبها كتير لان سمعتا معك بسيارتك
تتذكر
مراد: ليش انا بنسى شي بخصك
لك نسيتيني ليش اجيت
بكرا اهلي جايين يقرو فاتحتنا
هبة :مراد شو عم تقول وهيك دغري يقرو فاتحتنا بركي اهلي ما وافقو
مراد: مو على كيفهن باخدك خطيفة يا روحي
هبة:مراد انت روح قلبي
انت النفس اللي بتنفسه
مراد: وانتي احلى صدفة قابلتا بحياتي
وقضينا احلى ايام لوقت مراد ما صار يتعب كتير ويجي مهلوس وبدو الشوربة ويكسر اذا تاخرو وصارت تسوء حالته
وهون كانو عم يزودوله الجرعة شوي شوي مشان خلص يصير مدمن نظامي
حكالي شو عم يصير معه وانا خفت عليه ونصحته يحكي لماهر
مراد: فتح الباب على ماهر
مشان الله ساعدني مالي قدران جسمي عم يحكني وراسي رح ينفجر
في شي مو طبيعي عم يصير في شي بالشوربة
بترجاك تشوف شو القصة
ماهر: طول بالك مراد شو بك ما بعرفك هيك
انت كتير تعبان وفي زراق تحت عيونك
لازم نعملك تحاليل بكرا
تاتي يوم رحت مع ماهر عالمشفى وعملت تحاليل
وشي كان تعبان واصفر كتير
وشكلي متل الاموات
هبة: الو مرحبا حبيبي
مراد: اهلين هبة كيفك
هبة: الحمد لله شو به صوتك كانك تعبان
مراد: انا بالمشفى اجيت اعمل تحاليل
هبة: طيب لح اجي لعندك
مراد: ما في داعي بعد شوي رايحين
هبة: لا استناني مسافة الطريق بكون عندك
انا وماهر بالمكتب
اندق الباب
ماهر:اهلين دكتور عادل تفضل
شو طلعو النتائج
د.عادل: اي طلعو ولازم نحكي شوي انا وانت
ماهر:طيب مراد شوي وبرجعلك
مراد:فيني شي خطير
د.عادل: اطمن كل خير
رحنا على مكتب دكتور عادل
ماهر: شغلت بالي شوفي
د.عادل: وضع اخوك سيء كتير
اخوك مدمن مخدرات
وفي نسبة كبيرة بدمه
ماهر: انت شو عم تقول
لك كيف هيك
د.عادل: ما بعرف انتو لازم تعرفو
ماهر: هوة صرله فترة عم يشتكي وعم يتردد على مطعم وبيطلب شوربة من عندن وبشكل هستيري بس معقول عم يحطوله مخدر فيها
د.عادل: اكيد مافي غير هيك
لان مبين ان ما معه خبر
ماهر: بس انا من فترة شكيت بالموضوع وجبت عينة من الشوربة وطلعت سليمة
د.عادل: ايمتى هالحكي
ماهر: من شي شهرين
د.عادل: لازم نعيد التحليل بدون ما حدا يعرف حتى مراد
لحتى نتأكد ونعرف شو لازم نعمل
ماهر: طيب هلأ شو مشان مراد
د.عادل: لح نعطيه ابرة مهدئ وبعد 4 ساعات لح يبلش يروح مفعولا بتعطيه غيرها
اخوك لازم يتعالج يا ماهر
ماهر: بترجاك ما تحكي قدام حدا
د.عادل: معقول يا صاحبي انت متل اخي ولو هالشي لح يضل سر
ماهر: انا بكرا لح روح جيب عينة من الشوربة
تاني يوم راح ماهر بدل مراد ولانه توأم ما حدا قدر يميزهن
حتى انا ما ميزت لان مراد اخر فترة كان متقلب المزاج ساعة بحبني ساعة بعصب عليي
عمل التحليل وطلع فعلا في مخدر بنسبة عالية
اجى ماهر وحكى لمراد شو صار معهن
مراد جن جنانه وقت عرف
وفكر ان هبة عم تحطله ليصير خاتم باصبعها
ماهر: بشو عم تفكر
مراد: بهبة
ماهر: معقول يكون الها ايد
مراد: ما بعرف لازم نتأكد
اصلا كيف فاتت فيني هالفوتة ما بعرف ومن وين طلعتلي فجأة اكيد الها ايد
ماهر: انت لازم تتعالج
مراد: مو قبل ما صفي حسابي معها
اتفقو على خطة وتاني يوم التنفيذ
مدير المطعم اتصل بابو رعد وخبره باخر النتائج وقله ان خلص بكفي لان مراد صار مدمن وعم يعمل المستحيل وعم يجي يكسر ويخرب وهالشي مو منيح مشان سمعة المطعم
ابو رعد: خلص لا عاد تحطولو شي
صار لازم ينفضح هوة وابوه
واحد من رجال ابو رعد
مصيبة يا معلم
ابو رعد: شو بك ولا شو في
الرجال:اخدو عينة من الشوربة وعملو عليها تحليل
ولح يكشفو ان فيها مخدر
ابو رعد: مسكه من قميصه لك شو عم تحكي مجنون انت مين خبرك
الرجال: مدير المطعم خبرني شاف تسجيلات الكاميرا وحاول يتواصل معك بس انت ما رديت
ابو رعد: انا فكرته عم يتصل مشان المصاري
العمى هي مصيبة
لازم نلاقي حل بسرعة
اخطفولي الكرسون اللي كان يحط المخدر
لازم نتغدى فيهن قبل ما يتعشو فينا
الرجال: في البنت اللي اسمها هبة هي كانت بتعرف بمخططنا
المدير :العمى على هالنسوة مظبوط هي مصاحبة مراد ويمكن تعترف
نجبلك ياها معلم
اي وجيبولي ستها كمان
الرجال:حاضر معلم
اجى مراد لعنا عالمطعم وطلب شوربة كالعادة
وبعدين طلعت انا وياه
مراد: لح اخدك على مكان كتير حلو
هبة : وين هالمكان
مراد: هلأ بتعرفي
طلعت بالسيارة ومشي فينا
هبة بتوتر
مطولين كانه المشوار بعيد
مراد: لا قربنا بس هوة المكان متطرف شوي
بيت بالجبل النا
هبة: كيف بيت بالجبل
لا مراد ما فيني روح معك
ستي لحالا وما بقدر بتركها
بعدين كيف على بيت ولحالنا رجعني لو سمحت
مراد: لا تخافي شو لح يصير
مو لحالنا معي اخي وخطيبته وسبقونا
هبة: اخوك ماهر؟
مراد ببرود:
ما عندي اخ غيره خاطب
هبة: مراد انت فيك شي
رجعني ما بدي روح اذا بتريد
ستي بينشغل بالا عليي
مراد: لا تخافي انا حكيت معها والتلا ان رايحين
هبة: قلبي عم يدق بسرعة لان شايفة ان مراد مو على طببعته
وصلنا عالبيت وفعلا ماهر كان هنيك
ارتحت شوي لما شفته وعرفت ان مو لحالنا
بس وين خطيبته يمكن بالبيت جوا
هبة: مرحبا ماهر
ماهر: اهلين هبة كيفك
هبة: الحمد لله وينها يارا
ماهر: ليكها جوا فوتي لعندها
مراد: اتركني انا وياها لحالنا
ماهر: مستحيل انت مو بوعيك بخاف تأذيها
مراد: لا تخاف روح غبلك ساعتين جبلنا اكل وتعال
هبة:يارا يا يارا وينك
سمعت طقت مفتاح من ورايي التفتت لقيت مراد
ليه قفلت الباب
وينها يارا
مراد: ما في حدا هون غير انا وانتي
حتى ماهر راح شوفي
فتحلي الستارة وشفت ماهر عم يركب سيارته
ركضت عالباب قام دفشني
هبة: مراد شو بك بترجاك تركني
شو عم يصير معك
مراد: انتي لازم تقليلي شو عم يصير معي
هبة: والله ما عم افهم عليك
بترجاك خليني روح
اقعدي لشوف
لح جيب عصير نشرب
هون رن جوالي وفكرت ستي
بلعت ريقي لما شفت رقم ابو رعد فصلته
وصلت رسالة
ستك عنا اذا بتفتحي تمك بحرف اقرأي الفاتحة عليها
انا بلشت تتوضح الصورة قدامي وعرفت ان مراد كاشف شي بس شو هوة
لحقته عالمطبخ
مراد انت شو بدك مني
شو في ليه جبتني لهون
لقيته حامل مسدس وجاية
مراد شو هاد لشو هاد
مراد:امشي قدامي
هلأ بدك تحكيلي كل شي
ما بعرف شو بدي احكيلك فهمني والله ما عم افهم عليك
هلأ بتفهمي اقعدي هون واشرلي باصبعته عالكنباية
احكي لشوف
من وقت رحتي لعنا عالشركة ودعستك بسيارتي
شو كان هدفك
وليش تحطيلي مخدر بالشوربة
هبة: انت شو عم تحكي جنيت
اني شوربة واني مخدر
ما عم افهم عليك
مراد بعصبية
لك لا تجننيني من شهر وانا مو على بعضي
ما لاحظتي جياتي وروحاتي عالمطعم وطلبي الزايد للشوربة
ما شفتي اني بكون بمزاج وبطلع بمزاج تاني بعد ما اكل الشوربة
هاد كله من ورا شو
هبة: والله ما بعرف انا لاحظت بس قلت يمكن من ضغط الشغل
خصوصي ان كله عليك لان علي مسافر
مراد: اليلي كيف لعبتي فيني
كيف طلعتي بطريقي فجأة
وفتي فوتك فيني
مين باعتك وشو هدفك
معقول مشان المصاري
معقول كنتي عم تضحكي عليي
هبة: لا والله مو هيك ما في شي من هاد
بترجاك يمكن يكون في غلط
مراد: لك غلط شو
لك انا صرت مدمن مخدرات
والشوربة طلع فيها مخدر
رفع المسدس عليي
احكي لشوف احسن ما كومك بارضك
هبة: تذكرت ستي وتذكرت وضعي
اذا حكيت خسرت ستي واذا سكتت خسرت حالي
بس شو ما كان مافيني فرط بستي
هبة:بصوت خايف ومتقطع وعم ابكي
مراد بترجا اا ك
حط ايده عالزناد
هبة: طيب طيب
مظبوط الشوربة فيها مخدر
بس ما بعرف بلعت ريقي
قصدي انا اللي كنت حطلك😓
مراد جمد بارضه
وصار يهزني من كتافي
لك ليش شو السبب
ليش لتعملي هيك
ضربني اول كف
هبة بترجي
مراد وقف بترجاك والله مو قصدي
ما كان بدي
مراد: لك ليش عملتي هيك شو غايتك
مين ساعدك فهميني
لك انتي لازم تموتي
عملتي مني مدمن مخدرات الله لا يوفقك
حبيتك من كل قلبي وكنت ناوي ابعت اهلي يخطبوكي
هبة: مراد سامحني بترجاك
هون مراد بلش يروح مفعول المخدر منه
نزل فيني ضرب بكل وحشية وكانه تحول لشخص تاني
ما ضل مكان بجسمي ما عم يوجعني
خلص بكفي بترجاك اااخ يا ستي وينك
قومي قدامي
لوين بدي قوم مالي قدرانة اتحرك
مسكني من شعري وشحطني على غرفة نوم
وشلفني عالتخت
مراد شو بدك تعمل
قفل الباب وصار يقرب عليي
مراد لأ بترجاك الا هي
اوعك تقرب مني
مراد مشان الله لأ
ربطلي ايدي وبلش يشقلي تيابي ووقت قاوم يضربني كفوف
ما كان بوعيه ابدا
عم حاكي وصرخ بس ما عم يرد
خلاني بالاواعي الداخلية بس
وبلش يتحسس جسمي
انا بلشت اتخدر هون مو قدرانة قاوم من كتر الضرب اللي اكلته
بلش بشفايفي يعضني منهن بكل وحشية لحتى طلع الدم
وبعدين صار ينزل على كل مكان بجسمي
وانا عم انن واترجاه وابكي
هبة: مراد بترجاك لا تعمل فيني شي
حط اختك مكاني بترضالا ياها
اختي اشرف منك ولي
والله بعمل اللي بدك ياه بس تركني
عضني من بطني لحتى شهقت وبعدها ما عد حسيت على شي
اغمى عليي
هون رجع ماهر وصار يدق الباب
قام فتحله
وشافو بلا اواعي من فوق
شو صاير ليش هيك هيئتك
مراد:بدي مخدر عطيني مشان الله لح موت بدي شي يهديني صار جسمي يوجعني وراسي
ماهر: وينها هبة شو عملت فيها
طلعت هية اللي عم تحط المخدر
وينها هلأ
أشر باصبعته على غرفة النوم
ركض عالغرفة وشافني غايبة عن الوعي
لك شو عملت فيها مجنون انت
قلي شو عملت
اذيتا شي
مراد: ما قدرت حاولت اني اعتدي عليها
ماهر ما قدرت ما قدرت
كل ما اجي بدي حاول اتذكر ضحكتا وبرائتها
اتراجع لك اول حب بحياتي كانت هية
طعنتني بضهري
ومع هيك ما قدرت اذيها
ماهر: متأكد ما عملتلا شي
مراد: والله ما عملتلا شي بعدها بنت
لازم نصحيها ما بصير تضل غميانة
عطاه ابرة
جاب عطر وصار يشممني ياه لحتى صحيت
فقت ولقيت حالي هيك
ضميت الحرام وصرت ابكي واصرخ
الله لا يوفقك يا مراد الله لا يوفقك
يا ريتك تموت لارتاح منك
ماهر: اهدي هبة
هبة: انت اخرس ولا كلمة
انت اوطى منه عاملي فيها دكتور وبتفهم
مراد: اخرسي انت اخر وحدة بيطلعلا تحكي
شقفة كرسون مطعم
هبة: هلأ صرت بنظرك ما بسوى
بعد ما اخدت مني كل شي الله ينتفم منك يا مراد الله ينتقم منك
بتستاهل اكتر من هيك يا ريت حطيتلك سم من الاول وارتحت
مراد: اخرسي يا حقيرة
وهجم عليي يضربني
ماهر: بعد عنها مراد خلص
اسمعي يا بنت الناس
نحنا ما منعرف شو غايتك ولا شو هدفك
نحنا بكل بساطة فينا نخبر الشرطة عنك
بس لان وضع ابي ومكانتنا لح تنهز بهالخبر
مضطرين ان نسكت
طلعي من حياتنا وحلي عن اخي مراد
نصيبك واكلتيه ومراد اخي بيتعالج
وكل مين بشوف حياته
هبة: كيف بدي عيش حياتي بعد ما اخوك ...
وصرت ابكي
ماهر: مراد ما عملك شي بعدك متل ما انتي
كيف يعني ما..
اجى مراد
ابوك عم يتصل رد عليه انت مالي بمزاج رايق احكي معه
ماهر؛اهلين بابا اي انا مع مراد ببيت الجبل
كييييف
العمى مين خبر الشرطة
ابو مراد: شو بدها الشرطة من اخوك
خلص بابا لح نجي ومنحكي
مراد: شوفي
الشرطة سألت عنك
معقول تكون خبرت عني
وقت شافتني لحالي
ليش انت تركتا لحالا
اي رحت عالمطبخ
ركض لعندي عالغرفة
هاتي جوالك وليه
شو بدك فيه
هاتي بسرعة
مو معي بالشنتة
فتح الشنتة واخده وفتح عالمكالمات والرسائل ما لقى شي
حاذفتيهن يا حقيرة
انتي اللي خبرتي الشرطة
لك والله لاحرق قلبك
انا بفرجيكي
كان لازم اخد شرفك لحتى تصيري رخيصة
بلش يفك زراره وماهر يدفشه عني
لحد ما قدرت اطلع من الغرفة واهرب
طلعت لبرا وصرت اركض بدي بعد عن البيت
وهون لحقوني وصارو يركضو ورايي
الله لا يوفقك يا ابو رعد كله منك
اختل توازني من كتر الوجع وما عد وعيت على شي
فقت لقيت حالي عالتخت تفقدت حالي فورا
الحمد لله بعدني لابسة
هي مو نفس الغرفة اللي كنت فيها
يالله شو صار معي
وقت هربت
بتذكر اني دخت وبعدين فتحت عيوني لقيت حالي بسيارة ورجعت غميت
صرت نادي مراد ماهر
فاتت ست لعندي
فقتي بنتي
الحمد لله على سلامتك
وين انا
انتي ببيت السيد عاطف
انا بشتغل هون جابك السيد مراد
وطلب مني ما خبر حدا
اسمي عفاف
اهلين خالة عفاف
ضميتا وصرت ابكي
اهدي بنتي اهدي الله يرضى عليكي
قديه الساعة
الساعة 7 مين عمل فيكي هيك
ضربتني سيارة
يالله ستي شو بكون صار فيها
يا رب تساعدني لازم احكي معها
...عند مراد
مراد: اي بابا لح روح شوف شو بدهن مني
ماهر: انا جاية معك
ابو مراد: اذا اعتزتو شي خبروني
بمركز الشرطة
تفضل سيد مراد المساعد اول بانتظارك
مراد: مسا الخير
الملازم احمد: اهلين مسا النور
حضرتك مراد...
اي انا خير في شي
اجانا بلاغ انك عم تتعاطى مخدرات
ماهر: كيف
هاد تخبيص
الملازم احمد: انت اخوه كأنكن توأم
مراد: مظبوط
ممكن اعرف مين اللي بلغ
لا لان الموضوع سري
ماهر: حضرة الملازم مراد تعرض لمؤامرة وكل شي صار بدون علمه
كيف هيك
انا في مطعم بتردد عليه
تعرفت على صبية فيه وتعلقت فيها وكله صار فجأة
طلعت عم تحطلي مخدر بقلب الشوربة
وهلأ هية موجودة عندي
فيكن تجيبوها تحققو معها
لازم توكل محامي موقفك صعب ولح تنحبس
عم قلك مالي علاقة وما كنت بعرف
القانون ما بيعرف هيك شي
عم قلك موقفك صعب
لازم اليوم تضل عنا
انت بتعرف مع مين عم تحكي
بتعرف مين هوة ابي
يا سيد لا تعيط لو سمحت
القانون فوق الكل
دق الجرس وفات شرطي
خدوه عالحجز
ماهر احكي مع بابا
وانت لح تروح مع شرطي مشان نجيب البنت اللي حكيتو عنها
بنصحكن توكلو محامي بسرعة
القضية صعبة وممكن يروح فيها
رجع ماهر ومعه شرطي
واخدوني عالقسم
ببيت مراد
ابو مراد: لك شو عم تقول انت جنيت
انا ابني يتعاطى مخدرات
ماهر: بابا كله مؤامرة
البنت اللي حبها هية اللي عملت هيك
ام مراد: يبعتلي حمى يا ابني
يا ربي على حظه البنت الوحيدة اللي حبها تطلع هيك
مشان الله يا يوسف اعمل شي بدي ابني يطلع من السجن بسرعة
ماهر: ماما طولي بالك القضية مو سهلة
اذا ثبتت التهمة عالبنت مراد بيطلع بريء وبوعدك اخده يتعالج برا
ويرجعلك احسن من اول
ابو مراد: مصيبة اذا انتشر الخبر شو لح يكون موقفي قدام الحكومة
الملازم احمد:
انتي هبة
هبة: اي انا
شو علاقتك بمراد بيك
....
ما تردي عم احكي معك
مالح احكي كلمة لاتطمن عن ستي
ضرب الطاولة بايده
لا تجنيني بدك تحكي غصب عنك
اليلي شو علاقتك بمراد وكيف دخلتي على حياته فجأة وشو هدفك
.....
ما بدك تحكي
اذا ما حكيتي لح نحطك بالسجن ومو لصالحك ابدا
اللي بالسجن ناس وسخين كتير وانتي مبين عليكي بنت عالم وناس
اذا عم تتستري على حدا قولي نحنا منحميكي
بترجاك بدي حاكي ستي
طيب عطيني رقمكن
دق ورن رن
ما حدا عم يرد
فيني دق رقم تاني
لمين
رفيقتي بيسان
طيب دقلي وعطاني
الو مهند انا هبة
مهند: لك وينك انتي قالبين الدنيا عليكي وجوالك مقفول وستك مو بالبيت وما عم ترد
هبة : مو وقته هلأ
عطيني بيسان
الو بيسان انا بالمخفر الحقيني مشان الله جيبي عمو وتعالو القصة كبيرة
بيسان: طولي بالك شوي ومنجي لا تبكي اي
حكت بيسان لابوها
واجو لعندي
هون كان الملازم مبلش تحقيق
اسمك بالكامل
هبة فواز المانع
عيلتك معروفة بالبلد وابوكي معروف ليش تحطي حالك بهيك موقف
وين ساكنة
ب****
مع مين عايشة وشو بتدرسي او تشتغلي
عايشة مع ستي لان امي وابي متطلقين
بدرس ادارة اعمال وبشتغل بمطعم
كيف تعرفتي على مراد
هون ندق الباب
سيدي وصلو اهل هبة وطالبين يشوفوها
تمام لح اتركك معهن 10 دقايق مو اكتر
بيسان:هبة حبيبتي
حضنت بيسان وصرت ابكي
انا انتهيت بيسان ستي راحت من بين ايديي
بيسان: لا تخافي انا جنبك
وبابا كمان
ابو بيسان: عمو احكيلي شو صار معك
حكيتله كل شي
والتله ان ستي بين ايديهن واني اضطريت كذب على مراد مشان ما ياذوها
ابو بيسان: طيب لح شوف محامي شاطر ومنشوف شو بقول
هبة: بترجاك كل شي الا ستي
اذا كان التمن حياتي انا بضحي كرمالا
ابو بيسان: لا تخافي لح اتصرف
وباذن الله لح احميكي انتي وستك
اجى الملازم وخبرنا ان خلصت الزيارة
ودعتهن وانا مكسورة
قلبي من جوا مقهور
شو عملت يا ربي لحتى كون هون وانحط بهيك موقف
يا رب تساعدني
الملازم احمد : انتي منيحة
بتحبي نكمل
هبة: اي منيحة
طيب كيف تعرفتي على مراد
هوة بيتردد عنا عالمطعم اللي بشتغل فيه هوة ورفيقه علي
مرة قدمتله الغدا
وفجأة صرخ
لقى شعرة بالصحن ومن كتر غروره صب الصحن عليي وهوة سخن
الملازم احمد: 😳 لهيك قررتي تنتقمي منه
هبة: غصب عني
الملازم احمد: لح اتركك ترتاحي وبكرا منكمل
ما لح نزلك عالسجن لح حطك لحالك حاليا مشان ما تتشاكلي مع اللي تحت
اندق الباب
تفضل
سيد يوسف اهلا وسهلا
ابو مراد: انتي هبة
اي يا بيك
هجم عليي يا حقيرة يا تافهة هاد انتي
انتي اللي عملتي من ابني مدمن
والله لاشرب من دمك
الملازم احمد: اهدى يوسف بيك اهدى
بعده عني وصار يهديه
نادى للضابط واخدني على غرفة فيها تخت وخزانة وحمام بس
الملازم احمد: واضح ان الشي اللي صار مع ابنك مؤامرة
يوسف بيك : اكيد مؤامرة ابني مستحيل يعمل هيك شغلات
الملازم احمد:والواضح اكتر ان البنت مالها علاقة
اكيد في حدا دافشها لتعمل هالشي
مالح تعمله من حالها
وغير هيك لو هية اللي عاملة كل شي من وين لح تجيب حق الهيروئين
ابو مراد ضرب الطاولة يايده وقله
ملازم احمد انا ما بهمني البنت على قد ما بهمني ابني عم تفهم
بحرق الدنيا باللي فيها كرماله
الملازم أحمد: تطمن لح اعمل كل شي بقدر عليه
راح ابوه لمراد عالبيت
وكان عم يفكر بالموضوع وحكى مع عيلته:
ابو مراد: عم فكر بشغلة ما بعرف اذا بتوافقوني عليها
ام مراد: قول حبيبي شو هية
ماهر: خير بابا تفضل
ابو مراد: عم فكر قدم استقالتي
ام مراد وماهر: شووووو
ابو مراد: لان خايف يكشفو مراد وتصير فضيحة وساعتا هنة يطالعوني خلوني اطلع بكرامتي احستكنن
ماهر: بس يا بابا هاد مو حكي
معقول تضيع مكانتك كرمال مؤامرة
ام مراد: لا يا يوسف شو هالحكي
وابنك لمين لح تتركه نحنا بحاجة نفوذك وسلطتك
الكل بخاف منك وبيحسبلك الف حساب
ابو مراد: حتى لو استقلت معارفي ما بيتخلو عنا
وبعدين مراد تعرض لمؤامرة واذا البنت عترفت لح يطلع براءة
على كل هاد الحكي سابق لاوانه بس انا حبيت حطكن بالصورة
ابو رعد جاب مدير المطعم وحجزه عنده مع الكرسون وستها لهبة
المدير: طيب انا شو بدك مني ليش حاجزني
عملت متل ما بدك
عطيني مصاريي وخليني روح
ابو رعد: مستحيل لحتى اتأكد ان ما حدا لح يقرب صوبنا
بركي البنت عترفت واجو لعنكن
وحضرتك اعترفت تحت التعذيب
لازم ما حدا يعرف ان الي علاقة
المدير:طيب شو مشان الكرسون وستها لهبة
هي حرمة كبيرة ومعها سكر وضغط بلا ما يصرلا شي
بس اتأكد ان هبة حملت كل التهمة ساعتا لح اتركها اساسا مالي شغل فيها
واحد من رجال ابو رعد فات لعنده
سيدي الشرطة داهمت المطعم وفتشت وبعدين طالعو كل الزباين وختمو بالشمع الاحمر
المدير: ولي على قامتي الله لا يوفقكن خربتولي بيتي
ابو رعد: هسسسسس هلأ بس تقبض المصاري بتفتح سلسلة مطاعم باحسن منطقة
المدير عم يزوره ويتمتم بكلمات مو مفهومة
ابو رعد: حاج تحكي مع حالك
ابوها لبيسان اتصل برفيقه محامي وحكاله كل شي
المحامي: لازم تعترف بكل شي
لان اذا ما عترفت لح تنحكم وتنحبس
وهي حكمها مو اقل من 6 سنين
ابو بيسان:بس ستها عندن بركي عملولا شي
البنت كتير متعلقة بستها ومستعدة تضحي بحياتها كرمالا
المحامي: كمان مو معقول تحمل التهمة وتسكت عن الحق
بالعكس انا بشوف ان تحكي كل شي وما تخاف
وانا بعرف ضابط بالشرطة بساعدنا ومنساعد ستها
خليني بكرا اجتمع فيها وبحاول اني اقنعها
اجى المحامي عالمركز مع ابوها لبيسان وقعدنا نحكي
ابو بيسان: مرحبا هبة
هاد المحامي رفيقي وشاطر كتير
هبة: اهلين فيك
المحامي: هبة انا عرفت قصتك وانك تتستري عن المجرمين ابدا مو لصالحك
لازم تعترفي بالحقيقة
انتي بتعرفي مدة حكم هيك قضية مو اقل من 6 سنين
هبة: استاذ انا ما بهمني بدي ستي تطلع صاغ سليم
المحامي: بوعدك ساعدك وساعد ستك
احكي كل شي بتعرفيه ولا تخبي
هبة: مستحيل بيقتلوها لستي انت ما بتعرفهن
المحامي:فكري بالموضوع بكرا اول جلسة للمحكمة
عند ابو رعد
الرجال: سيدي الحرمة غاطط على قلبا وما عم نعرف شو بها
ابو رعد: هي مريضة سكر وضغط قيسولا ياهن
وجيبولا دوا
الرجال : حاضر سيدي
ابو رعد عم يحكي مع المدير
بكرا اول جلسة للمحكمة وبينحسم فيها كل شي
يا بتحمل القضية يا بتترحم على ستها
المدير: الله لا يعلق حدا معكن
نادى على رجاله
صار لازم توصل القضية للصحافة
خليهن يقصقصوله جناحاته لابو مراد
بكرا لازم الصحافة تكون قدام مركز الشرطة
ابوه لمراد وكله محامي والمحامي طمنهن ان اذا
هبة اعترفت لح يربحو القضية
وبيطلع من اول جلسة عالمركز الصحي وبيتعالج
الملازم احمد: هبة انتي لازم تحكي
بكرا لح تتحولي عالمحكمة ضروري تحكي اذا عم تخبي شي احكي لنساعدك
هبة:حكيت كل شي للمحامي وهوة لح يتصرف
الملازم احمد :مو معقول شو عنيدة وراسك يابس
هبة: 😒 شكرا
تاني يوم تحولنا عالمحكمة
كانت الصحافة هنيك وصورونا
ابو رعد وصل لغايته وانهز مكانه لابوه لمراد
وحطوني انا ومراد بنفس القفص
كان وضعه تعبان كتير
تمنيت اني ضمه وقله مو انا اللي عملتا
كنت متل المكسورة
سامحني مراد يا ريت فيني احكي وبري حالي
ابي دري باللي صار واجى عالمحكمة
واجت بيسان وابوها
واهل مراد اجو واجى علي معهن وشفت امه لمراد كيف كان قلبا عم يتقطع على مراد
ما بعتب عليها بضل ابنها
فات القاضي والكل وقف وبلشت الجلسة
وكل محامي حكا اللي عنده وبعدين سالونا كم سؤال
النطق الان بالحكم
اولا تجريم المتهمة هبة فواز المانع بجناية ترويج المخدرات واعطائها للمتهم مراد عن طريق وضعها في صحن شوربة العدس في مطعم ...
والحكم عليها بالسجن مدة 7 سنوات مع الاشغال الشاقة
ثانيا تبرئة المتهم مراد عاطف من تهمة تعاطي المخدرات وتحويله للمركز الصحي لتلقي العلاج
انا هون انهارت اعصابي وفقدت وعيي
ونقلوني عالمستوصف التابع للسجن
فات ابي لعندي
ليش هيك ساويتي ضيعتي حالك وضيعتي ستك الله لا يوفقك
لك لا انتي بنتي ولا انا بعرفك
يا حوينة كل قرش صرفته عليكي يا ريتك متي ولا شفتك هون وطلع
فاتت بيسان لعندي وضمتني
ليش هيك عملتي ليش
ليش ما عترفتي بالحقيقة
هبة: وستي شو اعمل قليلي ابو رعد مالح يتركها الا لحتى تثبت التهمة عليي
ابو مراد اجاه اتصال وطلبو منه يروح عالرئاسة واقالوه من شغله
وصابو شلل نصفي عالخبر
ابو رعد افرج عن المدير والباقي
وستي اجت لعندي فورا بس كانت تعبانة كتييير
ستي: يا بنتي خليني روح لعندن واحكيلن
حرام تحملي قصة مالك فيها وغيرك قبض المصاري وعم يتنعم فيهن
هبة: مشي الحال تيتة ما عد حدا يسدق
ستي :بدورو عالمدير وبجيبوه وبخلوه يعترف ولا تنسي في الرسالة
يمكن تساعدنا
هبة: تيتة بترجاكي لا تعذبيني اكتر من هيك
خلص هيك الله رايد وانا رضيانة بنصيبي
مرء 3 شهور ما شفت فيهن غير ستي وبيسان
عرفت ان مراد تعالج وصار منيح
ورجع لطبيعته
راحت ستي لعندن من غير ما تقلي وما حدا رضي يسمعلا وقلعوها
ما تحملت اجتا جلطة عالقلب
وفاتت عالمشفى
كانت بيسان عم تزورني
هبة: بيسان ستي ما عد اجت لعندي شو القصة
بيسان: تعبانة شوي ووقت عم تشوفك عم تتعب اكتر
قلتلا لا بئا تجي لعندك انا بجي وبتطمن عنك
ركيت كتير ع بيسان تحكي ما قالت شي
قلبي مو مرتاح وحاسة فيه شي
طلبت من مديرة السجن احكي تلفون
ودقيت ع بيت ابي
ردت مرت ابي
خالتي سعاد: هاد انتي ما بكفي اللي صرلنا بسببك
فضحتينا وقصتنا صارت ع كل لسان
حتى ستك انجلطت بسببك وليكا بالمشفى
هبة: انتي شو عم تحكي كيف وايمتى
ليه ما حدا خبرني
خالتي سعاد: لهون لا بقا تتصلي وانسي الك عيلة
هبة: الو الو
لا تسكري طمنيني عن ستي
رجعت عالسجن وانا مكسورة وحالتي بالويل
بيت مراد...
مراد: مسا الخير
كيفك ماما
ام مراد:اهلين حبيبي مسا الخيرات
مراد: طميني كيفه البابا
ام مراد:على وضعه كان عنده الدكتور وقال عم يتجاوب للعلاج بس بشكل بطيء
بما ان صحيت الحمد لله وما ضل فيك شي
بدي احكي معك بموضوع
مراد: امي لا تقليلي نفس السيرة
ما مليتي انتي
ام مراد : لا ولا لح مل
طاوعني هالمرة بس
قلبي عم يحترق على هالبنت حاسة مالها ذنب
عيونها وبراءتها وكسرة قلبا بتوضح هالشي
انا نظرتي ما بتخيب بالناس
مراد: لك يا امي هي كانت السبب بتدميري وهية السبب ان بابا قاموه من منصبه وبسببها نجلط
ام مراد: موووو هية مو هية مستحيل بنت ببراءتها يطلع منها هالشي
مراد بدك تساعدها وبدك تتنازل عن حقك وتطلع البنت من السجن
دخل ماهر: هوب هوب شو بكن صواتكن طالعة
مسا الخير اولا
مراد: اهلين بالعريس
كيفك يا معلم ما عد شفناك
ماهر: عم اسهر مع الشباب عم ودع العزوبية
كيفها ست الحبايب
شو بكي طالع خلقك
مراد: رجعتلي لنفس القصة
بدها ياني اتنازل عن حقي قال احساسا عم يقلا ان البنت بريئة
ماهر: طيب وانت شو رأيك
مراد: مستحيل ما فيني انسى العذاب اللي سببتلي ياه هدليك البنت
لك ما شفتو حالتي بالمصح
وقت كانت تجيني النوبة لك لو يصحلي انتحر ما بقصر
وابي اللي صار عاجز بسببها
ماهر: شو امي شايفك ساكتة
ام مراد معصبة: شو بدي احكي اذا ما حدا عم يسمعلي
انا عم احكي احساسي
كل يوم وقت بجي لنام بشوف هالبنت قدامي
بتذكر دموعها وعيونها
لك حتى ستها ما عم تروح عن بالي
شوف مراد انا لح ساعد هالبنت
بكيفك غصب عنك لح ساعدها
ولح دق مية باب وباب لساعدهن
وحبك تشتغل معي اهلا وسهلا ما حبك براحتك
عالقليلة لو كانت هالبنت مو بريئة بكون انا ريحت ضميري
مراد: خلص روقي والله ما بتكوني غير رضيانة
ما فيني على زعلك يا غالي
ام مراد: الله يرضى عليك
ماهر: مراد انتبه هلأ امك طالعتا للبنت بكرا بتجوزك ياها 🤣🤣
ام مراد: وهاد اللي لح يصير
مراد وماهر 😳😳
مراد: لا امي اكيد عم تمزحي
ورجيني وشك عم تمزحي مو
ام مراد: هلأ انت طالع البنت وبعدين لكل حادث حديث
مراد: لا امي اصحك كل شي بعملك ياه بس زواج لأ من هلأ عم فهمك
لا تخليني اترك البيت وامشي
ماهر: طول بالك اكيد ما بصير الزواج بالغصب شو بك
يلا تصبحو على خير
مراد: وانا طالع
تصبحي على خير ماما
باسها على جبينها وطلع على غرفته
هييي ماهر استناني لا تنام جاييك
ماهر: بسرعة لاني فارط من نعسي
حط جواله عالشحن وراح لعند اخوه
كيف ترتيبات العرس
وكيف معنوياتك
ماهر: اكيد مو مشان هيك جاية لعندي
فوت بالمهم شو بدك
مراد: تضرب شو غليظ
شو مشان امك باينتا عم تحكي جد
ماهر: انت شو رأيك
مراد: ما بعرف انا حاسس حالي كرهانها لهبة ومو طايق شوفها
ماهر: خلص احكي لامك بصراحة
شوف المحامي وتنازل عن حقك
وكل مين يروح بحال سبيله
مراد: بركي جبرتني اتجوزها
ماهر: مين بيجبر حدا هالايام
اتطمن ما بصير هيك شي
ولو صار فرضا تجوزها قدام العالم وقدام امك وبالغرفة عاملا شي وقدام اهلك شي تاني
مراد: مجنون انت شي شو هي بالغرفة وقدام اهلك انا مستحيل فكر فيها بعد هلأ
ماهر: خلص لكن يا بتقنع امك يا امك بتقنعك
وهلأ قوم لاني نطفيييت بدي نااام
مراد: تصبح على خير
ماهر: الله معك
راح مراد على غرفته
وقعد يفكر بعدين نفض راسه من الافكار ونام
تاني اتصل بالمحامي وسأله عن الاجراءات
قله المحامي ان لو تنازل في الحق العام
وطالما سجل البنت نضيف ومالها سوابق بتندفعلا كفالة وبتطلع
طلب منه يباشر بالموضوع فورا
راح المحامي لعند هبة
هبة: اهلين استاذ
خير صاير شي
المحامي: هاتي البشارة
هبة: فكرت شي عن ستها
ستي صارت منيحة ولح تجي تزورني
المحامي: لأ انتي لح تطلعي عن قريب
هبة وعيونها مدمعين:
كيف شو قلت
كيف هيك شو صار
المحامي: السيد مراد تنازل عن حقه
بضل الحق العام لح يدفعولك كفالة وتطلعي
هبة: كيف ..
طيب .. شلون شلون صار هيك
المحامي: ما بعرف شو اللي صار بس حبيت بشرك وخبرك تجهزي حالك خلال يومين او تلاتة بتطلعي
هبة: الله يبشرك بالخير ويخليلك اهلك يا رب
عن جد شكرا الك
المحامي: واجبنا ولو
بعد 3 ايام طلعت هبة من السجن
لقت مراد قدام الباب عم يستناها مع المحامي
المحامي: الحمد لله على سلامتك
هبة بلهفة: الله يسلمك
مراد: ممكن تتركنا لحالنا
المحامي :طيب انا بالسيارة
طبعا اكيد مالي جاية هنيك بسلامتك
ولا تفكري طالعتك لسواد عيونك او لان بعدني بحبك انا كرهانك وقرفان منك
لولا امي ما كنتي طلعتي ولا كنتي شفتي الضو
بس امي قلبا طيب
وما رضيت اكسر كلامها
بس لح قلك كلمة الله لا يسامحك
لان بحياتي ما حبيت بنت ولا كنت مفكر حب واعشق لوقت شفتك
هبة: عم تبكي
خلصت اللي عندك
طالعتني كتر خيرك بس ما في داعي لهالذل والاهانات
عن اذنك
راحت لعند المحامي وطلعت معه لان هوة لح يوصلها
المحامي: لوين بتحبي تروحي
شكلك تعبانة
هبة: عالمشفى بدي شوف ستي
المحامي: هلأ ما في زيارات لح وصلك عالبيت بتتحممي وبترتاحي
وعالساعة 4 بجي باخدك
هبة: لا ما تعذب حالك انا بدبر اموري لحالي
انت ما قصرت
خلص خدني عالبيت
وصلت عالبيت تذكرت ما معي مفتاح
رحت لعند بيسان
دقيت الباب
بيسان: يييي هبة تقبري قلبي ايمتى طلعتي
فوتي فوتي
بابا يا ماما هي هبة طلعت
اهلين عمو
عانقتني امها لبيسان ضميتا وصرت ابكي
هية الحضن الدافي التاني بعد ستي
ام بيسان: خلص حبيبتي لا تبكي
احكيلنا كيف طلعتي
حكيتلهن كل شي
معكن شي مفتاح لبيتنا بدي اتحمم وروح لعند ستي
بيسان : اي معنا بس اول بتاكلي لقمة وبعدين بتروحي
هبة: لا دخيلك مالي نفس
بدي اتحمم ونام شوي لاني فارطة
بيسان :مو على كيفك
عاملين اكلة ملوخية على كيفك
هبة: اذا ملوخية ما فيني قاوم وخصوصي من ايدين خالة
يلا شوي ومنحط الاكل
تغديت وعبيت بطني بصراحة اكلت عن شي 3 ايام وكان مو اكلة ابدا
ورحت عالبيت مشان اتحمم
تمددت عالتخت شوي وتذكرت حكي مراد
غصيت بدمعتي
قمت نفضت راسي
هلأ اهم شي ستي ما بدي غيرها من كل هالدنيا
فتت تحممت وطلعت وسحبتا نومة
ما حسيت الا تخبيط عالباب
قمت راسي عم يوجعني وياخدني يمين وشمال
بيسان: هييي لسى ما لبستي
يلا مشان نروح عالمشفى
هبة:قديه الساعة
بيسان 4 الا ربع
هبة:يييي يالله كيف هيك نمت
لك ما حسيت على شي
صرلي يومين ما نمت من وقت خبرني المحامي ان لح اطلع
بيسان: صحي ليش تنازل مراد عن حقه
هبة: لح البس واحكيلك اغليلنا قهوة
بيسان: يلا منشربها عالطريق
هاد يا ستي بعد ما طلعت لقيته برا مع المحامي
وحكى معي شوي
واللي فهمته ان امه الها علاقة بطلعتي بس كيف ما بعرف
بيسان: معقول امه جبرته يطالعك
بجوز حبتك لما شافتك
هبة: شو حبت فيني
اي ما شافتني غير بالمحكمة ووقتا ما كانت شايفة غير ابنها
بتسدقي قلبي احترق عليها وقت شفتا
بيسان: المهم طلعتي الحمد لله
وبكرا بتبين القصة
هبة: يلا انا جاهزة
طلعنا عالمشفى بسيارة ابوها لبيسان وكان اخدنا اخوها مهند
يتبع....